Son Saudiya chempionatiga yo‘l olishi mumkin

“Tottenhem” hujumchisi Son Xyon Min Saudiya Arabistoni klublarining diqqat markaziga tushdi. Bu haqda The Sun xabar bermoqda.

Manbaga ko‘ra, Saudiya klublari koreyalik futbolchi Yevropa Ligasida g‘alaba qozonishi orqali Angliyadagi faoliyatini yakunlashi mumkin deb hisoblamoqda.

Shuningdek, Saudiya chempionati o‘z brendini yanada kuchaytirish uchun ham yulduz futbolchilarni taklif etishni maqsad qilgan.

O‘tgan mavsumda Son “shporlar” safida barcha turnirlarda 46 ta o‘yinda maydonga tushib, 11 ta gol urdi va 12 ta golli uzatmani amalga oshirdi. U 2015 yildan buyon “Tottenhem” safida o‘ynamoqda.

Roziqjon Sultonmurodov

Jurnalist