Sohil futboli terma jamoamiz yig‘ini davom etmoqda
O‘zbekiston futbol assotsiatsiyasi Terma jamoalar markazi maydonida sohil futboli bo‘yicha O‘zbekiston milliy terma jamoasining o‘quv-mashg‘ulot yig‘ini qizg‘in davom etmoqda.
Bosh murabbiy Ahadjon Yusupov boshchiligidagi murabbiylar shtabi har kuni ikki mahal mashg‘ulotlar o‘tkazib, futbolchilarning jismoniy va funksional tayyorgarligini yanada mustahkamlash ustida ish olib bormoqda.
Yig‘in davomida futbolchilarning sohil futboliga xos texnik va taktik ko‘nikmalarini takomillashtirish, hujum hamda himoya chiziqlari o‘rtasidagi o‘zaro hamkorlikni kuchaytirishga alohida e’tibor qaratilmoqda.
Mazkur o‘quv-mashg‘ulot yig‘ini milliy terma jamoamiz uchun xalqaro musobaqalar oldidan muhim tayyorgarlik bosqichi hisoblanadi.
Eslatib o‘tamiz, O‘zbekiston futzal federatsiyasi tasarrufi ostida o’tayotgan ilk yig‘in 30-iyunga qadar davom etadi.
