Skaloni: «100 ta o‘yinda aynan shu bahs eng katta iz qoldirdi»
Argentina terma jamoasi bosh murabbiyi Lionel Skaloni Jahon chempionati pley-off bosqichidagi dramatik g‘alabadan so‘ng uchrashuv haqida o‘z fikrlarini bildirib o‘tdi.
Mutaxassisning ta’kidlashicha, raqibning uchinchi golidan keyin u faqat o‘yin tezroq yakunlanishini istagan.
"Uchinchi goldan keyin men faqat bitta narsani xohladim — o‘yin tezroq tugasin. Ko‘pchilik bu biz uchun oson uchrashuv bo‘ladi, deb o‘ylagandi, ammo biz bunday emasligini yaxshi bilardik.
Ular hisobni 2:2 ga tenglashtirgan gol haqiqatan ham ajoyib edi.
Men boshqargan 100 ta o‘yinda aynan shu bahs eng katta iz qoldirdi. Chunki bu Jahon chempionati, chunki biz juda og‘ir vaziyatlarni boshdan kechirdik va o‘yinga qaytish uchun kuch topishimizga to‘g‘ri keldi.
Bu uchrashuvda sodir bo‘lgan ko‘plab voqealar menga murabbiy sifatida ham katta tajriba bo‘ladi. Tasodifni qarangki, bularning barchasi aynan mening 100-o‘yinimga to‘g‘ri keldi. Yaxshiyamki, g‘alaba qozondik, aks holda bu yubiley statistikasining natijasi ancha achinarli bo‘lardi", — dedi Skaloni Mundo Deportivo nashriga.
