«Siti» Gehi uchun asosiy da’vogar

“Kristal Pelas” futbolchisi Mark Gehi faoliyatini Angliya Premer-ligasining boshqa bir jamoasida davom ettirishi mumkin. Bu haqda The Times nashri xabar berdi.

Manbaga ko‘ra, “Manchester Siti” himoyachiga jiddiy qiziqish bildirmoqda.

“Shaharliklar” himoya chizig‘ini kuchaytirish uchun yangi nomzodlar ro‘yxatini tuzib chiqqan. Gehi esa ushbu futbolchilar orasida asosiy favorit bo‘lib turibdi.

Ma’lumot uchun, joriy mavsum 25 yoshli himoyachi barcha musobaqalar doirasida jami 25 ta o‘yinda maydonga tushib, o‘z hisobiga 2 gol va 4 ta golli uzatma yozdirib qo‘ygan. Transfermarkt portali futbolchining bozor qiymatini 55 million yevroga baholamoqda.

Roziqjon Sultonmurodov

Jurnalist