Simons yozda “Leyptsig”ni tark etadi
Photo: Getty Images
Germaniyaning “Leyptsig” klubi futbolchisi Xavi Simons yozda jamoani tark etadi.
Insayder Fabritsio Romanoning ma'lum qilishicha, 22 yoshli yarim himoyachi bu borada aniq qarorga kelgan. Qayd etilishicha, nemis klubi futbolchining rejalari haqida xabardor.
Futbolchiga "Bavariya" hamda APLning top-klublari qiziqish bildirmoqda. Ular Simons atrofidagi voqealarni diqqat bilan kuzatib bormoqda. Avvalroq, Simons APLga ko'chib o'tishi mumkinligi haqida xabarlar chiqqandi.
Joriy mavsumda yarim himoyachi "Leyptsig" safida barcha musobaqalarda 32 ta uchrashuvda maydonga tushib, 10 ta gol urdi va 8 ta golli uzatmani amalga oshirdi.
Roziqjon Sultonmurodov
Jurnalist