Simeone: «Bu biz joriy mavsumda toʻqnash kelgan eng kuchli jamoa»
Madridning «Atletiko» klubi bosh murabbiyi Diyego Simeone Chempionlar ligasi umumiy bosqichining 3-turida «Arsenal»dan (0:4) uchralgan magʻlubiyat haqida fikr bildirdi.
«Shuni aytishim mumkinki, bu biz joriy mavsumda toʻqnash kelgan eng kuchli jamoa. Ular juda yaxshi kurashadi, tez harakat qiladi va doimo oldinga intiladi. Maydon boʻylab yuqori darajadagi oʻyin namoyish etadi. Biz esa hali takomillashish jarayonidamiz va uni davom ettirishimiz kerak.
Oʻylaymanki, oʻyinning dastlabki qismida yaxshi harakat qildik, biroq 60-daqiqadan soʻng raqib ustunlikni oʻz qoʻliga oldi va gʻalabaga toʻla haqli edi. Endi bu magʻlubiyatni esdan chiqarib, mashgʻulotlarda toʻgʻri bajargan ishlarimizni yanada takomillashtirishga eʼtibor qaratishimiz kerak», — dedi Simeone.
Maʼlumot uchun, «Atletiko» 3-turdan soʻng 3 ochko bilan umumiy guruh bosqich turnir jadvalida 18-o‘rinda bormoqda. «Arsenal» esa 9 ochko bilan 3-pog‘onani band etgan.
