Shon Strikland Hamzat Chimaev haqida: «Bu badbaxt taslim bo‘lishni xayoliga ham keltirmadi»
Yangi chempion sobiq chempionga hurmat bajo keltirdi.
FOTO: Getty Images
O‘rta vazn toifasida yangi UFC chempioni, amerikalik Shon Strikland BAA vakili Hamzat Chimaev haqida ijobiy fikrlar bildirdi. Ularning jangi AQSHning Nyu-Jersi shtati, Nyuark shahrida bo‘lib o‘tgan UFC 328 turnirining markaziy voqeasi bo‘ldi va Shonning hakamlar qaroriga ko‘ra g‘alabasi bilan yakunlandi.
Shu tariqa, Strikland o‘rta vaznda UFC kamarini qo‘lga kiritdi.
«Chechenistonda ajoyib jangchilar bor. Ular haqiqiy yovvoyilar. U ham la’nati yovvoyi. Men sizlar uchun namuna bo‘lishim kerak, lekin men bu janglarni sotishga harakat qilyapman. Bu badbaxt taslim bo‘lishni xayoliga ham keltirmadi. Men uni bor kuchim bilan urdim, u esa shunchaki olg‘a intilishda davom etdi. Bu shunchaki aqldan ozish», — dedi Strikland.
Nasrullo Karimov
Jurnalist