Shomurodov hazil bilan Zaynutdinovning “Dinamo”ga o‘tishiga javob berdi
“Rostov”dagi sobiq jamoadoshlar hamon samimiy aloqada qolmoqda
Rasm: FK “Rostov”
O‘zbekiston milliy jamoasi va “Istanbul Bashakshehir” klubi hujumchisi Eldor Shomurodov Qozog‘iston terma jamoasi yarim himoyachisi Baxtiyor Zaynutdinovning “Beshiktash”dan Moskva “Dinamo”siga o‘tganiga hazilomuz izoh qoldirdi.
28-iyul kuni amalga oshgan transferdan so‘ng Zaynutdinov Instagram’dagi sahifasida yangi jamoasiga oid post joylashtirdi. Unga izoh qoldirgan Shomurodov:
“Qochyapsanmi, brat?” – deb yozib, ularning yana turli yo‘ldan ketayotganiga ishora qildi.
Ma’lumki, Shomurodov va Zaynutdinov Rossiya chempionatidagi “Rostov” klubida birga to‘p surishgan. O‘shanda jamoani aynan hozirda “Dinamo”ni boshqarayotgan Valeriy Karpin boshqargan.
Bakradze Iman
Redaktor