Shkvirin: Xorijlik murabbiy kerakmi yoki yo‘q — aniq qaror qabul qilish vaqti keldi
O‘zbekiston terma jamoasiga xorijlik mutaxassis jalb qilinishi avgust oyining eng ko‘p muhokama qilingan mavzusiga aylandi. Lyov taklifni rad etdi, hozirda esa milliy terma jamoa rahbarligini vaqtincha Timur Kapadze olib bormoqda.
O‘tmishning yorqin yulduzi Igor Shkvirin bu masalada o‘z fikrini bildirib, shunday dedi:
— Milliy terma jamoaga kelsak, Lyov taklifni qabul qilishiga boshidanok ishonmagandim. Biz Saudiya Arabistoni emasmiz, Germaniya bilan O‘zbekiston o‘rtasidagi farq katta.Uningcha, muhokamalarni cho‘zmay, aniq qaror qabul qilish vaqti kelgan:
— Qanday bo‘lmasin, bu taniqli mutaxassis bo‘ladimi yoki o‘zimizdan murabbiy bo‘ladimi — kechiktirmasdan aniqlik kerak.Shkvirin yana qo‘shimcha qiladi:
— Bizga xorijlik murabbiy kerakmi yoki yo‘q — shuni o‘ylash kerak. Chunki kim kelmasin, jamoani va futbolchilarni o‘rganishga vaqt talab etiladi. Timur Kapadze esa barcha futbolchilarni yaxshi biladi. Ha, tajribasi kam, ammo oxirgi o‘yinlarda munosib ishonchni oqladi.
Endilikda asosiy savol shunda: rahbariyat unga ishonadimi yoki yo‘q?
