Sherzod Jo‘rayev — «Navbahor» bosh murabbiyi
Klub bugun Sergey Lushanni iste'foga chiqargandi.
Фото: Навбаҳор ПФК
“Navbahor”ga yangi bosh murabbiy tayinlandi.
"Bugun oqshomda jamoamiz mashg‘uloti oldidan jamoamiz vitse-prezidenti Akramjon Gapparovich Dedabayev tashrif buyurib, futbolchilar bilan uchrashdi.
Uchrashuv davomida “Navbahor” jamoasi murabbiylar shtabi vakillari va futbolchilarga Sherzod Jo‘rayevni bosh murabbiy sifatida tanishtirdi.
Sherzod Hamidovich Jo‘rayev “Navbahor”ning sobiq futbolchisi, ko‘p yillar jamoamiz murabbiylar shtabida yordamchi sifatida faoliyat olib borgan hamda mavsum startidan shu kungacha yoshlar jamoamizni boshqarayotgan edi.
Sherzod Hamidovich boshqaruvida "Navbahor U-21" jamoamiz hozirda musobaqa peshqadami sifatida turnir jadvalini boshqarib kelayotgan edi", — deyiladi klub xabarida.
Roziqjon Sultonmurodov
Jurnalist