«Sevinch» jamoasi tajribali futbolchilarni o‘z safiga qo‘shib oldi
Ayollar futboli bo‘yicha yurtimizning eng bayroqdor jamoasi hisoblangan "Sevinch" o‘z tarkibiga mahoratli futbolchilarni qo‘shib oldi.
Jamoa bu yil ayollar o‘rtasidagi Osiyo Chempionlar Ligasi guruh bosqichi yo‘llanmasi uchun bahslarda ishtirok etadi. Ushbu bosqichda qizlarimiz Tailandning "College of Asian Scholars", Nepalning "APF FC" va Saudiya Arabistonining "Al-Nasr" klublariga qarshi maydonga tushishadi.
Mazkur muhim bellashuvlarga puxta tayyorgarlik ko‘rish maqsadida jamoa rahbariyati tarkibni uch nafar tajribali futbolchi bilan to‘ldirdi:
Rossiyalik hujumchi Nataliya Simakina
O‘zbekiston milliy terma jamoasi a’zosi Diyora Habibullayeva
Zambiya milliy terma jamoasi vakili Agnes Musesa
“Ishonamizki, yangi futbolchilarimiz “Sevinch”ning xalqaro maydondagi marralarni zabt etishida muhim hissa qo‘shishadi”, — deyiladi klub xabarida.
