Serlot va Goretska «Milan»ga oʻtishga rozi boʻldi
Madridning «Atletiko» klubi hujumchisi Aleksandr Serlot «Milan»ga o‘tishga rozi bo‘ldi. Italiya klubi norvegiyalik futbolchining transferi bo‘yicha muzokaralarni boshlashga va u uchun 20 million yevro hamda bonuslar taklif qilishga tayyor. Bu haqda La Gazzetta dello Sport nashri xabar bermoqda.
Manbaning ma’lumotlariga ko‘ra, «Bavariya» yarimhimoyachisi Leon Goretska ham «Milan»ga o‘tishga rozilik bergan, biroq u avval mavsumni yakunlab olishga ruxsat so‘ragan. «Rossonerilar» germaniyalik futbolchi uchun yana bir mavsumga uzaytirish imkoniyati bilan uch yillik shartnoma tayyorlab qo‘yishgan.
Mavsum yakuniga qadar Goretska boshqa jamoalardan foydaliroq takliflar olishi ehtimoli yo‘q emas, biroq «Milan»da ushbu kelishuvni yakunlangan deb hisoblashmoqda.
