Ser Aleks Fergyuson \"Yunayted\"ni tark etganiga roppa-rosa o'n ikki yil bo'ldi
Photo: gettyimages
Ayni daqiqalarda Angliyadagi “Old Trafford” o'yingohida yevropa ligasi yarim final javob uchrashuvlari doirasidagi “Manchester Yunayted” hamda “Atletik Bilbao” qarama-qarshiligi bo'lib o'tmoqda.
Jamoaning afsonaviy murabbiyi Ser Aleks Fergyuson har doimgidek uchrashuvni stadionning o'zidan to'g'ridan-to'g'ri tomosha qilmoqda.
Qizig'i shundaki, Ser Aleksning “Yunayted”dan ketganiga roppa-rosa o'n ikki yil bo'ldi. Buyuk murabbiy “Manchester Yunayted”dagi 26 yillik faoliyatidan keyin, 2013 yili 8 may sanasida futol murabbiyligi bilan xayrlashishini e'lon qilgan edi.
Fergyuson 1500 o'yin o'tkazgan bo'lsa, shulardan 895 tasini g'alaba bilan yakunlagan. “Boss” qo'l ostida “qizil iblislar” 38 ta turli-xil kuboklarni qo'lga kiritgan.
Ibrohim Jalolov
Redaktor
