«Seltik» Nansini iste’foga chiqardi

"Seltik" bosh murabbiyisiz qoldi. Klub Vilfrid Nansi bilan kelishuvni bekor qildi. Bu haqda klub matbuot xizmati xabar berdi.

Fransiyalik mutaxassis Glazgo klubini sakkizta o‘yinda boshqardi. Shundan oltitasida mag‘lub bo‘ldi.

Shu munosabat bilan "Seltik" rahbariyati mutaxassis bilan xayrlashishga qaror qildi.

"Klub Vilfridga sa’y-harakatlari uchun minnatdorchilik bildiradi va unga hamda uning oilasiga kelajakda eng yaxshi tilaklarni bildiradi," — deyiladi klub rasmiy bayonotida.

Ortda qolgan 20 turdan so‘ng "Seltik" 38 ochko bilan Shotlandiya chempionati turnir jadvalida ikkinchi o‘rinda bormoqda.

Roziqjon Sultonmurodov

Jurnalist