Saudiya proligasi. «Al Ahli» «Al Qodisiya»ni mag'lub etdi
Saudiya Arabistoni Proligasining 9-turidan o‘rin olgan “Al Ahli” – “Al Qodisiya” uchrashuvi yakuniga yetdi. O'yin Jiddadagi "Shahzoda Abdulloh Al Faysal" stadionida bo'lib o'tdi. Unda maydon egalari 2:1 hisobida g‘alaba qozonishdi.
Uchrashuv boshida “Al Ahli” hujumchisi Venderson Galeno hisobni ochdi. 45-daqiqada mezbonlar yarim himoyachisi Ziyod Al-Johaniy qizil kartochka oldi. Ikkinchi bo‘lim o‘rtalarida “Al Qodisiya” hujumchisi Abdulla Al-Salem hisobni tenglashtirdi. 66-daqiqada yarim himoyachi Frank Kessi “Al Ahli”ga g‘alaba keltirgan golga mualliflik qildi.
Proligada 9 ta o‘yindan so‘ng “Al Ahli” 19 ochko jamg‘arib, to‘rtinchi o‘rinda bormoqda. “Al Qodisiya” 17 ochko jamg‘arib, beshinchi o‘rinda bormoqda.
Saudiya proligasi. 9-tur.
Al Ahli — Al Qodisiya 2:1
Gollar: Galeno (6), Kessie (66) — As Salim (64).
Chetlatish: Al Johani (45+4, Al Ahli)
