Saudiya Pro-ligasi. «An Nasr» «Al Hilol» bilan oʻyinda tayyor gʻalabani qoʻldan chiqardi
Saudiya Arabistoni Pro-ligasining 32-turidan o‘rin olgan markaziy bahs yakuniga yetdi. Riyoddagi «Al-Avval Park» stadionida bo‘lib o‘tgan «An Nasr» va «Al Hilol» jamoalari o‘rtasidagi uchrashuvda 1:1 hisobi qayd etildi.
Bahsning 37-daqiqasida mezbonlar himoyachisi Muhammad Simakan hisobni ochdi. O‘yinning asosiy vaqtiga qo‘shib berilgan 90+8-daqiqada esa «An Nasr» darvozaboni Bento o‘z darvozasini ishg‘ol qilib qo‘ydi.
Saudiya Arabistoni chempionatining 33 ta o‘yinidan so‘ng «An Nasr» 83 ochko jamg‘argan holda turnir jadvalida birinchi o‘rinni egallab turibdi. Pro-liga yakuniga qadar jamoada yana bitta o‘yin bor. «Al Hilol» esa 32 ta o‘yinda 78 ochko to‘plagan holda ikkinchi pog‘onada bormoqda. Ularning mavsum yakunigacha yana ikkita uchrashuvi qolgan.
Eslatib o‘tamiz, «An Nasr» safida besh karra «Oltin to‘p» sohibi Krishtianu Ronaldu, «Al Hilol» tarkibida esa 2022 yilgi «Oltin to‘p» egasi Karim Benzema to‘p surmoqda.
