Saudiya ligasi Saloh transferini moliyalashtirishga tayyor
Misrlik hujumchi asosiy tarkibdagi joyini yoʻqotib qoʻydi.
FOTO: Getty Images
The Telegraph nashrining yozishicha, agar «Liverpul» hujumchisi Muhammad Saloh asosiy tarkibdagi o‘rnini yo‘qotgani sabab klubni tark etishga qaror qilsa, Saudiya Professional Ligasi uning transferini moliyalashtirishga tayyor.
So‘nggi ikki o‘yinda misrlik futbolchi zaxirada qoldi.
Eslatib oʻtamiz, Saloh 2017 yildan beri «Liverpul» sharafini himoya qilib keladi. Uning klub bilan tuzgan shartnomasi 2025 yilgacha mo‘ljallangan. Joriy mavsumda u barcha musobaqalar doirasida 19 ta o‘yinda maydonga tushib, beshta gol va uchta golli uzatma qayd etgan.
Hozirda «Liverpul» APL turnir jadvalida 22 ochko bilan to‘qqizinchi o‘rinda bormoqda.
Nasrullo Karimov
Jurnalist
