Saudiya Arabistoni Messini o‘z chempionatida ko‘rishni xohlamoqda
Saudiya Arabistonining Jamoatchilik investitsiya jamg‘armasi argentinalik hujumchi Lionel Messi bilan avvalgi muzokaralarni boshladi. U hozirda AQShning «Inter Mayami» klubi va Argentina terma jamoasida to‘p surmoqda.
TEAMtalk nashri xabariga ko‘ra, Messining mamlakatning yetakchi to‘rt klubidan biriga o‘tishi muhokama qilinmoqda — «Al-Ahli», «Al-Hilol», «Al-Ittihod» yoki «An-Nasr». Loyiha asosiy maqsadi — Messini Krishtianu Ronaldu qatorida liganing yuziga aylantirish. Ronaldu bugungi kunda «An-Nasr» safida harakat qilmoqda.
Ayni paytda muzokaralar dastlabki bosqichda. Agar futbolchi Saudiya Arabistoniga ko‘chishga rozilik bildirsa, kelishuv shartlarini muhokama qilishga o‘tiladi.
Messi 2021 yilgacha «Barselona»da to‘p surgan, so‘ng ikki mavsum Fransiyaning PSJ jamoasida o‘ynagan. 2023 yildan buyon u AQShning MLS ligasidagi «Inter Mayami» klubini sharaflamoqda.
