Sanjar Quvvatov «Paxtakor»ga qaytdi
Quvvatov bilan bir yillik bitim tuzildi.
Фото: Пахтакор ПФК
Toshkentning "Paxtakor" jamoasi transfer mavsumidagi birinchi kelishuvini amalga oshirdi.
Tajribali darvozabon Sanjar Quvvatov "sherlar" safiga qaytdi. U ikki yillik tanaffusdan so‘ng "Paxtakor"ga qaytmoqda.
"Paxtakor" tarkibida 2019-23 yillar davomida 106 o‘yinda maydonga tushgan Sanjar bilan bir yillik shartnomaga imzo chekildi. Quvvatov "Sherlar" safida 5 marta O‘zbekiston chempioni bo‘lib, 2 martadan O‘zbekiston Kubogi va Superkubogi, bir bor Liga Kubogini qo‘lga kiritgan.
"Umid qilamizki, u yana jamoamizga sovrinlarni qo‘lga kiritishda yordam beradi", - deyiladi klub xabarida.
Roziqjon Sultonmurodov
Jurnalist