Samarqandda futbol va mini-futbol bo‘yicha DXX kubogi musobaqalariga start berildi
Musobaqada 16 yoshdan 30 yoshgacha bo‘lgan o‘g‘il bolalar futbol va mini-futbol, qizlar esa mini-futbol bo‘yicha bahs olib borishadi.
Фото: Спорт вазирлиги
Samarqand shahridagi 2-son sport maktabida yoshlar o‘rtasida futbol va mini-futbol bo‘yicha an’anaviy “Davlat xavfsizlik xizmati kubogi” musobaqalariga start berildi.
Musobaqaning ochilish marosimida viloyat hokimi o‘rinbosari H.To‘xtayev, shahar hokimi F. Umarov, masʼullar ishtirok etdi.
Musobaqada 16 yoshdan 30 yoshgacha bo‘lgan o‘g‘il bolalar futbol va mini-futbol, qizlar esa mini-futbol bo‘yicha bahs olib borishadi. Bu o‘z navbatida yoshlarning sportga bo‘lgan qiziqishini yanada oshirish, ularni jamoaviylik ruhida tarbiyalash va iqtidorli sportchilarni kashf etishda muhim ahamiyat kasb etadi.
Ushbu bellashuvlar orqali yoshlar nafaqat o‘z mahoratini sinovdan o‘tkazadi, balki sog‘lom turmush tarzini targ‘ib qilishda ham faol ishtirok etadi.
Roziqjon Sultonmurodov
Jurnalist