Saloh Runi va Anrining rekordini yangiladi

«Liverpul» hujumchisi Muhammad Saloh Angliya Premyer-ligasida bitta stadionda amalga oshirilgan samarali harakatlar soni bo‘yicha yangi rekord o‘rnatdi. Bu haqda mersisaydliklar matbuot xizmati xabar berdi.

APLning 24-turi doirasida o‘tgan «Nyukasl»ga qarshi bahsda (4:1) Saloh yarimhimoyachi Florian Virtsga golli uzatma yetkazib berdi. Bu misrlik futbolchi uchun «Enfild» stadionidagi 152-samarali harakat (gol+pas) bo‘ldi.

Shu tariqa, Saloh «Manchester Yunayted»ning sobiq forvardi Ueyn Runining ko‘rsatkichini yangiladi. Runi «Old Trafford»da 151 ochko jamg‘argan edi. Kuchli uchlikdan «Arsenal» afsonasi Tyerri Anri ham joy olgan.

APLda bitta stadionda eng ko‘p ochko to‘plagan futbolchilar:

1. Muhammad Saloh («Liverpul»), «Enfild» — 152 ball (107 gol, 45 assist).
2. Ueyn Runi («Manchester Yunayted»), «Old Trafford» — 151 ball (101 gol, 50 assist).
3. Tyerri Anri («Arsenal»), «Xayberi» — 151 ball (114 gol, 37 assist).

Nasrullo Karimov

Jurnalist