Saloh \"Brayton\"ga qarshi o‘yin uchun \"Liverpul\" qaydnomasi tarkibiga qaytdi
33 yoshli Saloh 2017 yil yozidan beri "Liverpul" safida to‘p surib kelmoqda.
ФОТО: Getty images
Hujumchi Muhammad Saloh APL doirasida "Brayton"ga qarshi bahs oldidan "Liverpul"ning o‘yin qaydnomasi tarkibiga kiritildi. Bu haqda Sky Sports xabar bermoqda.
Avvalroq Saloh bosh murabbiy Arne Slot bilan munosabatlar keskinlashgani ortidan Chempionlar ligasida "Inter"ga qarshi o‘yinni o‘tkazib yuborgan edi.
12 dekabr kuni futbolchi va niderlandiyalik mutaxassis o‘rtasida suhbat bo‘lib o‘tgan. Unda tomonlar o‘zaro kelishuvga erishishgan.
33 yoshli Salah 2017 yil yozidan beri "Liverpul" safida to‘p surib kelmoqda. Joriy mavsumda misrlik futbolchi barcha musobaqalarda 5 ta gol urib, 3 ta golli uzatmani amalga oshirdi.
Roziqjon Sultonmurodov
Jurnalist