Saka «Arsenal» tarixidagi eng ko‘p maosh oladigan o‘yinchiga aylanadi

“Arsenal” klubi vingeri Bukayo Saka bilan yangi shartnoma imzolash arafasida turibdi.

Yangi bitim 2031 yilning o‘rtalarigacha mo‘ljallangan bo‘ladi.

TEAMtalk nashrining xabariga ko‘ra, 24 yoshli futbolchining haftalik maoshi 300 ming yevroga yetadi. Natijada, u klub tarixidagi eng ko‘p maosh oluvchi o‘yinchiga aylanadi.

Saka “to‘pchilar”ning asosiy tarkibida 284 ta rasmiy uchrashuvda maydonga tushib, 77 ta gol va 74 ta assistni o‘z hisobiga yozdirgan. Transfermarkt portalining ma’lumotiga ko‘ra, Sakaning transfer qiymati 130 million yevroni tashkil etadi.

Roziqjon Sultonmurodov

Jurnalist