Sadriddin Hasanov – Turnirning eng yaxshi futbolchisi
Hozirgina Saudiya Arabistonida 17 yoshli futbolchilar o'rtasidagi osiyo chempionati o'z nihoyasiga yetdi.
Final uchrashuvida O'zbekiston U17 terma jamoamiz 2 kishi kam bo'lib qolib, mezbon Saudiya Arabistoni U17 terma jamoasini 2:0 hisobida tor-mor etdi.
OFK Osiyo kubogining eng yaxshi futbolchisi uchun beriladigan sovrinni ham vakillarimizga topshirdi. Terma jamoamizning 7 raqamli futbolchisi Sadriddin Hasanov qit'aning eng yaxshi o'yinchisi deb topildi!
Hasanov turnir davomida jami 4ta gol urdi. Taylandga qarshi bellashuvning ilk golini o'z hisobiga yozdirib qo'ygan bo'lsa, Xitoyga qarshi kechgan bahsda hisobni tenglashtirdi. Bunyodkor futbolchisi imkoniyatlardan foydalanishni Shimoliy Koreyaga qarshi kechgan o'yindan davom ettirgan bo'lsa, finalda raqibni chiroyli tarzda jazoladi