Rüdiger jarohat sabab 3 oyga safdan chiqdi
Germaniyalik futbolchi qishga qadar jamoasiga yordam bera olmaydi.
ФОТО: Getty images
“Real” himoyachisi Antonio Rüdiger son jarohati tufayli 3 oyga safdan chiqdi. Bu haqda klub rasmiy sayti xabar berdi.
Manbaga ko‘ra, germaniyalik futbolchi qishga qadar jamoasiga yordam bera olmaydi. Himoyachi chap son mushaklaridan jarohat olgan.
Bu mavsumda Rüdiger “Real”ning La Ligadagi bitta o‘yinida hamda terma jamoaning JCH saralashidagi ikkita uchrashuvida ishtirok etdi.
Ispaniya La Ligasining navbatdagi o‘yinini "Real" 13-sentyabr, shanba kuni o‘tkazadi. Xabi Alonso jamoasining raqibi "Real Sosyedad" bo‘ladi. "Qaymoq ranglilar" chempionatning dastlabki uch turini ochko yo‘qotishlarsiz o‘tkazdi.
Roziqjon Sultonmurodov
Jurnalist