Rudi Garsiya: «Eron terma jamoasini odatdagidek puxta tahlil qilmadik»
Belgiya terma jamoasi bosh murabbiyi Rudi Garsiya JCh-2026 doirasidagi «G» guruhi 2-turida Eronga qarshi boʻlib oʻtadigan oʻyin oldidan oʻz fikrlari bilan oʻrtoqlashdi.
«Biz Eronning oʻyinini odatdagidek unchalik puxta tahlil qilmadik, chunki bu jamoani oʻrtoqlik uchrashuvlarida kuzatish ancha qiyin. Biroq, ularning Jahon chempionatiga saralash bosqichini juda kuchli oʻtkazganini koʻrdik va albatta, Yangi Zelandiyaga qarshi birinchi oʻyinini ham kuzatdik. Biz Osiyo jamoalarini u qadar diqqat bilan kuzatmaymiz, lekin, albatta, hamma [Mehdi] Taremshini (Gretsiyaning „Olimpiakos“ klubi va Eron terma jamoasi hujumchisi) taniydi», — deya Garsiyaning soʻzlaridan iqtibos keltirmoqda FIFA rasmiy sayti.
Eslatib oʻtamiz, «G» guruhining 1-turida Belgiya terma jamoasi Misr bilan durang oʻynagan edi (1:1), Eron milliy jamoasi esa Yangi Zelandiyani magʻlub eta olmagandi (2:2).
