Ruben Dias «Siti»ning mag'lubiyati haqida gapirdi

"Manchester Siti" markaziy himoyachisi Ruben Dias APL doirasidagi "Nyukasl"ga (1:2) qarshi o‘yindan so‘ng o‘z fikrlarini bildirib o‘tdi.

Portugal futbolchisi 68-daqiqada "shaharliklar"ning yagona goliga mualliflik qildi.

"Avvallari darvozabonga bunday turtkilar qoida buzilishi hisoblanardi, endi esa bunga ruxsat berilganga o‘xshaydi.

Odamlar meni bahona qidiryapti deyishlari mumkin, lekin unday emas. "Nyukasl" yaxshiroq edi va g‘alabaga loyiq edi, chunki ular vaziyatlardan foydalandi. Ammo men bunday epizodlardagi qoidalar aniqroq bo‘lishini istayman," – dedi Dias Sky Sports’ bilan suhbatda.

Roziqjon Sultonmurodov

Jurnalist