Ruben Dias «Inter»ga o‘tmaydi — Romano

«Manchester City»ning markaziy himoyachisi Ruben Diasning «Inter»ga o‘tishi ehtimoli past ekani ma'lum bo‘ldi. Bu haqda insayder Fabrizio Romano xabar berdi.

Manbaga ko‘ra, Dias nomi «Inter» bilan bog‘lanayotgan bo‘lsa-da, bu transfer amalda amalga oshmaydi.

Portugaliyalik futbolchi «shaharliklar»ning o‘yin olib borishida va jamoadoshlari bilan munosabatlarda muhim shaxs hisoblanadi.

Ruben «Manchester City» safida 2020 yildan beri faoliyat yuritmoqda.

Joriy mavsumda 28 yoshli himoyachi barcha turnirlarda 32 ta o‘yin o‘tkazdi va ikki gol urdi. Uning Angliya klubi bilan shartnomasi 2029 yilgacha amal qiladi.

Transfermarkt ma'lumotlariga ko‘ra, futbolchining bozor qiymati 60 million yevro atrofida baholangan.

Roziqjon Sultonmurodov

Jurnalist