Ro'ziqul Berdiev: Bunyodkor tanaffusga qadar hech qanday bosimsiz o'ynadi
Nasaf bosh murabbiyi Bunyodkor bilan o'yindan keyin fikr bildirdi.
photo: Nasaf FK
Superliga 24-tur doirasidagi "Bunyodkor" - "Nasaf" (2:2) o'yinidan so'ng mehmonlar bosh murabbiyi Ro'ziqul Berdiev matbuot anjumanida ishtirok etdi.
"Birinchi bo'limni juda yomon o'tkazdik. "Bunyodkor" tanaffusga qadar hech qanday bosimsiz o'ynadi. Xato tufayli gol ham o'tkazib yubordik. Ikkinchi bo'limda esa faollashdik va vaziyatlar yarata boshladik.
Bugun g'alabaga yaqin kelgandik, agar penaltidan foydalana olganimizda. Biroq penaltidan keyin "Bunyodkor" o'z vaziyatiga ega bo'ldi. Bugun ochiq o'yin bo'ldi",-dedi mutaxassis.
Ibrohim Jalolov
Redaktor