CSKA Rossiya kubogi superfinaliga yo'l oldi, Fayzullayev 62-daqiqada zaxiradan maydonga tushdi
Photo: Getty Images
Rossiya kubogi "RPL yo'li" finalining javob o'yinida Moskvaning CSKA jamoasi "Zenit"ni qabul qilib, 2:0 hisobida mag'lub etdi.
Ikki o'yin natijasiga ko'ra, hisob tenglashdi. G'olib penaltilar seriyasida aniqlandi. Unda CSKA futbolchilari 4:3 hisobida g'alaba qozonib, superfinalga yo'llanma oldi.
Mazkur o'yinda O'zbekiston terma jamoasi yarim himoyachisi Abbosbek Fayzullayev 62-daqiqada zaxiradan maydonga tushdi.
Rossiya kubogi superfinali 1 iyun kuni Lujniki stadionida o'tkaziladi. CSKAning raqibi "Spartak" yoki "Rostov" bo'ladi.
Rossiya kubogi. (penaltilar seriyasi: 4-3)
CSKA 2:0 "Zenit"
Gollar: Kslyak 37', Musaev 90+2'.
Dastlabki uchrashuv: 0:2
