Ronaldu WOWfc jangovar promoushenining yangi egasiga aylandi

40 yoshli Portugaliya milliy jamoasi va «An Nasr» hujumchisi Krishtianu Ronaldu WOWfc jangovar promoushenining yangi hammuassisi bo‘ldi. Bu haqda liga matbuot xizmati ma’lum qildi.

Shuni ham ta’kidlash kerakki, ushbu tashkilotning yana bir hammuassisi — yengil vazn toifasida UFC chempioni, mag‘lubiyatga uchramagan 28 yoshli ispan-gruzin jangchisi Iliya Topuriya hisoblanadi.

Joriy mavsumda Ronaldu klub va terma jamoa safida 17 ta o‘yinda maydonga tushib, 16 ta gol urdi va 2 ta golli uzatma berdi.

Portugaliyalik yulduz 2023 yildan beri «An Nasr» sharafini himoya qilib keladi. Unga eng katta shuhratni «Manchester Yunayted» va «Real Madrid»dagi o‘yinlari olib kelgan. Ronaldu — «Oltin to‘p» mukofotining besh karra sohibi hisoblanadi.

Nasrullo Karimov

Jurnalist