Ronaldu sevgilisi Messining turmush o‘rtog‘iga izoh qoldirdi
Lionel Messining turmush o‘rtog‘i Antonela Rokutso Nyu-Yorkda o‘tkazilayotgan US Open tennis turniriga tashrif buyurdi va arenadan olingan suratlarini ijtimoiy tarmoqlarda e’lon qildi.
Uning ushbu postiga Krishtianu Ronalduning sevgilisi Jorjina Rodriges ham munosabat bildirdi. Jorjina Antonelaning suratlari ostida qisqa izoh qoldirib, uni maqtagan.
Bu holat futbol muxlislari orasida ham e’tibor qozondi. Chunki Messi va Ronaldu ko‘p yillardan buyon futbol tarixidagi eng katta raqobatlardan birining asosiy qahramonlari sifatida qaraladi, ularning yaqinlari o‘rtasidagi iliq munosabat esa ijtimoiy tarmoqlarda keng muhokama qilindi.
Ma’lumot uchun, Lionel Messi hozirda AQSHning “Inter Mayami” klubida to‘p surmoqda, Krishtianu Ronaldu esa Saudiya Arabistonining “Al-Nasr” jamoasi sharafini himoya qilmoqda.
