Ronaldu muxlislarga murojaat qildi: «Keling, g‘alabaga erishamiz!»
Saudiya Pro-ligasining 32-turi arafasida «An Nasr» hujumchisi Krishtianu Ronaldu muxlislarga kayfiyatni ko‘taruvchi murojaat yo‘lladi.
Jamoalar bugun, 12 may kuni, Er-Riyaddagi «Al Avval Park» stadionida «Al Hilol»ga qarshi hal qiluvchi o‘yinda to‘qnash keladi.
«Har hafta sizlardan qo‘llab-quvvatlash oldik – stadionda, uyda va butun dunyodan. Bu energiya maydonda ham biz bilan. Keling, uni g‘alabaga olib chiqaylik. Biz uchun. Sizlar uchun. Va, albatta, «An Nasr» uchun. Ko‘rishguncha!» — deb yozdi Ronaldu ijtimoiy tarmoqda.
Hozirda turnir jadvalida «An Nasr» birinchi o‘rinda bor va «Al Hilol»dan besh ochko ustun. Yo‘qotilgan ochkolar hisobidan esa farq ikkiga teng, chunki raqibda hali bir uchrashuv qolgan. Agar bugungi o‘yinda «An Nasr» g‘alaba qozonsa, jamoa mamlakat chempionligini erta ta’minlaydi.
Bu bahs nafaqat turnir jadvali, balki Saudiya Pro-ligasi uchun ham hal qiluvchi bahs bo‘ladi va Ronaldu muxlislarga ilhom baxsh etishi bilan ajralib turadi.
