Ronaldu jarohat sabab JChni o‘tkazib yuborayotgan Rodrigoni qo‘llab-quvvatladi
Portugaliya terma jamoasi hujumchisi Krishtianu Ronaldu JCh-2026 doirasidagi Kolumbiyaga qarshi uchrashuvdan so‘ng “Real Madrid” vingeri Rodrigo bilan uchrashdi.
Braziliyalik futbolchi ayni vaqtda og‘ir jarohatdan tiklanish jarayonini davom ettirmoqda. Rodrigo tizza xochsimon paylari uzilgani sababli Jahon chempionatida ishtirok eta olmayapti.
O‘yindan keyin Ronaldu Rodrigoning holidan xabar olib, uning tiklanish jarayoni qanday ketayotganini so‘radi. Braziliyalik futbolchi jarohat olganiga olti oy bo‘lganini, umumiy holati yaxshi ekanini, ammo uzoq tiklanish jarayoni biroz charchatganini aytdi.
Ronaldu esa unga sabrli bo‘lish kerakligini ta’kidlab, barchasi yaxshi bo‘lishini aytdi. Portugaliyalik yulduz Rodrigoni ruhlantirib, unga dalda berdi.
Bu holat futbol jamoatchiligi e’tiborini tortdi. Chunki Ronaldu va Rodrigo turli terma jamoalar sharafini himoya qilsa-da, ular “Real Madrid” bilan bog‘langan futbolchilar sifatida o‘zaro hurmat va iliq munosabatni namoyish etdi.
Rodrigo uchun bunday qo‘llab-quvvatlash muhim ahamiyatga ega. Ayniqsa, Jahon chempionatidek katta turnirni jarohat sabab chetdan kuzatishga majbur bo‘lgan futbolchi uchun ruhiy dalda tiklanish jarayonida katta rol o‘ynaydi.
Eslatib o‘tamiz, Portugaliya va Kolumbiya terma jamoalari o‘rtasidagi uchrashuv 0:0 hisobida yakunlangan edi. O‘yindan keyingi ushbu qisqa suhbat esa Ronaldu tomonidan ko‘rsatilgan insoniylik va sportdagi hurmat namunasi sifatida baholandi.