Ronaldu Jahon chempionati saralash bosqichlarida urilgan gollar soni boʻyicha mutlaq rekord oʻrnatdi
Portugaliya milliy jamoasi hujumchisi Krishtianu Ronaldu Jahon chempionati saralash bosqichlarida urilgan gollar soni boʻyicha mutlaq rekord oʻrnatdi.
JCh-2026 saralashi doirasida Portugaliya Vengriya bilan bahs olib borib, yakunda 2:2 hisobida durang oʻynadi. Uchrashuvda Ronaldu dubl qayd etdi va saralashdagi gollari sonini 41 taga yetkazib oldi.
Shu tariqa, u ilgari 39 ta gol bilan rekordchi hisoblangan gvatemalalik Karlos Ruisni ortda qoldirdi va endilikda Jahon chempionati saralashlari tarixidagi eng yaxshi toʻpurarga aylandi.
1. Krishtianu Ronaldu (Portugaliya) — 41 ta gol
2. Karlos Ruis (Gvatemal) — 39 ta gol
3. Lionel Messi (Argentina) — 36 ta gol
4. Ali Daei (Eron) — 35 ta gol
5. Robert Levandovski (Polsha) — 33 ta gol
Eslatib oʻtamiz, Ronaldu hozirda Saudiyaning «An Nasr» klubi sharafini himoya qilib kelmoqda. Tomonlar oʻrtasida tuzilgan amaldagi shartnoma 2027 yilning yoziga qadar moʻljallangan.
