Romano: «Messi «Inter Mayami»da qoladi va yangi shartnoma imzolaydi»
Mashhur insayder Fabritsio Romano MLS mavsumi yakuniga argentinalik yulduz — «Inter Mayami» hujumchisi Lionel Messining kelajagi haqida maʼlumot berdi.
«Messi «Inter Mayami» bilan mavsumni yakunlaydi. U hozirgacha gol+pas tizimida 48 ochko toʻpladi. Yangi shartnoma borasidagi muzokaralar ilgʻor bosqichda. Kutilishicha, Messi klubda qoladi va yangi kelishuv imzolaydi. Ayni vaqtda yakuniy tafsilotlar aniqlanmoqda.
U toʻliq ravishda «Inter Mayami» loyihasiga eʼtibor qaratgan», — deb yozdi Romano oʻzining X «sobiq Twitter» ijtimoiy tarmogʻida.
Eslatib oʻtamiz, bugun MLS muntazam chempionatining soʻnggi turida «Inter Mayami» «Neshvill»ni 5:2 hisobida magʻlub etdi. Messi uchrashuvda uchta gol urib, xet-trikka erishdi. Endi jamoani pley-off bosqichi kutmoqda.
