Roman Xadjiev: «Mash’al» bilan yuqori cho‘qqilarni zabt etishga tayyorman»
«Mash’al» (Muborak) jamoasining yangi a’zosi Roman Xadjiev o‘z oldiga qo‘ygan maqsadlari va jamoadagi rejalari haqida to‘xtalib o‘tdi:
«Mening ismim Roman Xadjiev. Faoliyatimdagi yangi sahifani boy tarix va o‘z an’analariga ega bo‘lgan «Mash’al» klubi bilan boshlayotganimdan xursandman.
Muborak futboli doimo o‘zining kurashuvchan ruhi va iqtidorli futbolchilari bilan ajralib turgan. Men bu yerga shunchaki kelganim yo‘q — mening asosiy maqsadim jamoa bilan birgalikda maksimal natijalarga erishishdir. Har bir o‘yinda, har bir daqiqada maydonda bor kuchim bilan harakat qilaman.
Bizning maqsadimiz aniq — muxlislarimizni g‘alabalar bilan xursand qilish va turnir jadvalida yuqori o‘rinlarni egallash. «Mash’al» libosida maydonga tushish men uchun katta mas’uliyat va men bu ishonchni oqlash uchun borimni berishga tayyorman.
