«Roma» Zirkzeeni ijaraga olish arafasida
Zirkzee 2024 yil yozida “Bolonya”dan “Yunayted”ga 42,5 million yevro evaziga o'tgandi.
ФОТО: Getty images
"Manchester Yunayted" hujumchisi Joshua Zirkzee faoliyatini “Roma”da davom ettirishi mumkin. Bu haqda Il Messaggero xabar berdi.
Manbaga ko'ra, rimliklar niderlandiyalik forvard bilan shartnoma imzolash borasida muzokaralar olib bormoqda.
Qayd etilishicha, ingliz klubi yanvar oyida forvardni ijaraga berishga tayyor, biroq kelishuvga 25 million yevroga sotib olish bandini kiritishni talab qilmoqda.
Zirkzee “Yunayted”ga 2024 yilning yozida “Bolonya”dan 42,5 million yevro evaziga o'tgandi. Joriy mavsumda u APLning 4 ta o'yinida ishtirok etdi, biroq gol va assistlarni amalga oshira olmadi.
Roziqjon Sultonmurodov
Jurnalist
