"Roma" Shomurodovning raqobatchisini sotishi mumkin

Futbol 24 apr 2025 da 17:05

Roziqjon Sultonmurodov

Jurnalist

"Roma" yozda hujumchi Artyom Dovbik bilan xayrlashishi mumkin. Bu haqda Calciomercatp xabar tarqatmoqda.

Manbaga ko'ra, futbolchining harakatlari “Roma” rahbariyatini qoniqtirmayapti.

Rim klubi rahbariyati hujumchini sotib, uning o'rniga boshqa to'purar futbolchini xarid qilishni rejalashtirmoqda. Dovbik xizmatiga "Napoli" va "Milan" jamoalari qiziqish bildirmoqda. Hujumchining ehtimoliy transfer summasi taxminan 25 million yevroga baholanmoqda.

Joriy mavsum u Italiya chempionatida 28 ta o'yinda maydonga tushib, 11 ta gol urgandi va 2 assist qayd etgandi. Artyomning "bo'rilar” bilan tuzgan mehnat shartnomasi 2029 yilning yozida yakuniga yetadi.

Aloqador jamoalar va ligalar

Roma