\"Roma\" hujumchisi \"Milan\"ga o'tishi mumkin
Photo: Getty Images
"Roma" hujumchisi Artyom Dovbik faoliyatini "Milan"da davom ettirishi mumkin, deb xabar beradi Voce Giallorossa jurnalisti Attilio Malen.
Qayd etilishicha, “rossonerilar”ning yangi bosh murabbiyi Massimiliano Allegri 28 yoshli ukrainalik futbolchini o‘z klubida ko‘rishni xohlamoqda.
Biroq moliyaviy sabablar tufayli “Milan” Dovbikni o‘z safiga qo‘shib olish imkoniyatiga ega emas. Shu sababli klub hujumchi Santiago Ximenezning taqdirini hal qilishi kerak. Ximenezni Dovbikka almashtirish varianti bor, muzokaralar allaqachon boshlangan.
Bu mavsumda Dovbik klub miqyosida 45 ta o‘yinda 17 ta gol urdi va 3 ta golli uzatmani amalga oshirdi.
Bahrom Bobonov
Redaktor
