«Roma» Betoni o‘z safiga qo‘shib olmoqchi
Uning mersisaydliklar bilan 2027 yil yozigacha mo‘ljallangan shartnomasi bor.
ФОТО: Getty images
"Roma" klubi yanvar oyida o‘z safiga yangi markaziy hujumchi qo‘shib olishni istamoqda.
Football Italia nashri xabar berishicha, rimliklar short-listidan "Everton" forvardi Beto o‘rin olgan. Tomonlar muzokaralarni boshlashi mumkin.
27 yoshli gvineyalik futbolchi Transfermarkt portalida 20 million yevroga baholanmoqda. Uning mersisaydliklar bilan 2027 yil yozigacha mo‘ljallangan shartnomasi bor.
Beto joriy mavsumda jami 18 ta o‘yinda 2 bor raqiblar darvozasiga yo‘l topdi.
Roziqjon Sultonmurodov
Jurnalist