Rodri: «Hozir bor e'tiborimni jahon chempionatiga qaratganman»
"Manchester Siti" yarim himoyachisi Rodri Madridning "Real" klubi tomonidan o‘ziga bo‘layotgan qiziqish haqidagi mish-mishlarga izoh berdi.
Ispaniyalik futbolchining ta'kidlashicha, bunday mish-mishlarning paydo bo‘lishi futbolda oddiy holatdir. Futbolchining so‘zlariga ko‘ra, u hozirda bor e'tiborini jahon chempionatiga qaratgan.
"Real"ning menga qiziqishi? Qandaydir mish-mishlarning borligi normal holat. Hozir bor e'tiborimni jahon chempionatiga qaratganman. Undan keyin nima bo‘lishini ko‘ramiz", — deya Rodrining so‘zlarini keltiradi jurnalist Fabrizio Romano ijtimoiy tarmoqlarda.
O‘tgan mavsumda Rodri "Manchester Siti" safida barcha turnirlarda 33 ta o‘yinda maydonga tushib, ikkita gol urdi.
Transfermarkt portalida taqdim etilgan ma'lumotlarga ko‘ra, futbolchining bozor qiymati 65 million yevroni tashkil etadi.
