Robert Levandovski Chempionlar Ligasida mutlaq rekord o‘rnatdi
«Barselona» hujumchisi Robert Levandovski Chempionlar Ligasining 1/8 final bosqichidan o‘rin olgan «Nyukasl»ga qarshi javob uchrashuvida (7:2) dubl qayd etib, turnir tarixidagi yangi rekord sohibiga aylandi. Polshalik forvard nufuzli musobaqa doirasida o‘zining 41-raqibi darvozasini ishg‘ol etishga muvaffaq bo‘ldi.
Shu tariqa Levandovski turnirning avvalgi rekordchisi Lionel Messini ortda qoldirdi. Argentinalik yulduz o‘z vaqtida Chempionlar Ligasida 40 ta har xil jamoaga gol urishga erishgan edi.
Levandovski o‘z faoliyati davomida «Arsenal», «Manchester Siti», «Tottenhem», «Chelsi», «Nyukasl», «Real» Madrid, «Barselona», «Malaga», «Atletiko», «Vilyarreal», «Inter», «Yuventus», «Roma», «Latsio», «Napoli», «Marsel», «PSJ», «Lion», «Brest», «Bavariya», «Borussiya D», «Portu», «Benfika», «Zenit», «Rostov», «Ayaks», «PSV», «Shaxtyor», «Dinamo Kiyev», «Olimpiakos», «AEK», «Anderlext», «Antverpen», «Slaviya», «Viktoriya Plzen», «Dinamo Zagreb», «Svena Zvezda», «Zalsburg», «Yang Boyz», «Kopengagen» va «Beshiktosh» kabi klublar darvozasiga yo‘l topa olgan.
Ma’lumot uchun, tajribali hujumchi Chempionlar Ligasidagi 142 ta uchrashuvida jami 109 ta gol urishga muvaffaq bo‘lgan.
