Riberi klublar o‘rtasidagi JCH g‘olibi qaysi jamoa bo‘lishini taxmin qildi

Futbol 15 iyn 2025 da 08:55

Roziqjon Sultonmurodov

Jurnalist

"Bavariya" sobiq futbolchisi Frank Riberi AQShda boshlangan klublar o‘rtasidagi jahon chempionatida o‘zi muxlislik qiladigan qaysi jamoa g‘olib chiqishini aytib o‘tdi.

"Men "Boka Xuniors"ning ashaddiy muxlisiman. Bu jamoa menga juda yoqadi. Qachondir Argentinaga borish maqsadim ham bor. Chunki bu mamlakatda muhit zo‘r. Men bu jamoada klublar o‘rtasidagi jahon chempionatida g‘olib chiqish uchun juda zo‘r imkoniyat bor, deb hisoblayman.

Chunki ularning ishga munosabati, mentaliteti va ishtiyoqi yuqori darajada. Bu turnir "Boka Xuniors" uchun katta sinov bo‘ladi. Xuddi shu gaplarni sobiq jamoam "Bavariya" haqida ham aytishim mumkin", — dedi Frank Riberi.

Eslatib o‘tamiz, "Boka Xuniors" o‘z guruhida Yangi Zelandiyaning "Oklend Siti", Germaniyaning "Bavariya" va Portugaliyaning "Benfika" jamoalari bilan raqobatlashadi.