«Reynjers» bosh murabbiyini iste'foga chiqardi
U klubni yozda qabul qilib olgandi.
ФОТО: Getty images
“Reynjers” klubi bosh murabbiy Russell Martinning iste'foga chiqqani haqida ma'lum qildi.
“Russell va uning shtabi klubda juda katta mehnat qilishdi. O‘tish davrida vaqt talab etiladi, ammo natijalar kutilgan darajaga mos kelmadi”, — deyiladi Glazgo klubining rasmiy bayonotida.
Eslatib o‘tamiz, Martin 5-iyun kuni jamoaning ustozi bo‘lgandi. Joriy mavsumda Shotlandiya chempionatida 7-turdan so‘ng 8 ochko bilan 8-o‘rinda bormoqda. Yevropa Ligasi guruh bosqichida esa “Reynjers” ikki uchrashuvda ham mag‘lubiyatga uchradi.
Klub tez orada yangi bosh murabbiy nomini e'lon qiladi.
Roziqjon Sultonmurodov
Jurnalist