“Real”ning yangi futbolchilari o‘yin raqamlarini tanladi
Madridning “Real” klubi yangi mavsum oldidan tarkibga qo‘shilgan futbolchilarning o‘yin raqamlarini ma’lum qildi. Klub rasmiy saytida keltirilishicha, yangi transferlar 2026/27-yilgi mavsumda qaysi raqamlarda maydonga tushishi aniq bo‘lgan.
Chap qanot himoyachisi Mark Kukurelya 17-raqamni, markaziy himoyachi Ibrahima Konate 16-raqamni, Denzel Dumfris esa 24-raqamni tanladi. Yarim himoyachi Bernardu Silva 20-raqamda harakat qiladi. Yan Diomande 25-raqamni, hujumchi Karlos Espi esa 19-raqamni olgan.
Shuningdek, jamoaning ayrim futbolchilari ham raqamlarini o‘zgartirdi. Raul Asensio avvalgi 17-raqam o‘rniga 2-raqamni tanladi. Bu raqam Dani Karvaxal klubni tark etganidan keyin bo‘shagan edi. Din Heysen esa David Alabaning ketishidan foydalanib, 24-raqamdan 4-raqamga o‘tdi.
Ijaradan qaytgan braziliyalik hujumchi Endrik esa yana 9-raqam ostida qayd etilgan. Shu tariqa, “Real” yangi mavsum oldidan tarkibdagi o‘yin raqamlarini deyarli to‘liq shakllantirib oldi.
