«Real»ning La Ligadagi ilk uchrashuvi qoldiriladi – manba
Madridning “Real” klubi va “Real Sosedad” o‘rtasida 16 avgust kuni o‘tkazilishi rejalashtirilgan La Liganing 1-tur uchrashuvi boshqa sanaga ko‘chirildi. Bu haqda AS nashri xabar berdi.
Manbaga ko‘ra, uchrashuv avgust oyining oxirida o‘tkaziladi. Bunga sabab — “Real”ning kamida bir nafar futbolchisi 2026 yilgi Jahon chempionati yarim finalida ishtirok etishi aniq bo‘lgani bilan izohlanmoqda.
Avvalroq La Liga prezidenti Xaver Tebas Jahon chempionati yarim finalida (14–15 iyul) ishtirok etadigan kamida bitta futbolchisi bo‘lgan klublarning chempionat bahslari boshqa sanaga qoldirilishini ma’lum qilgan edi.
Jahon chempionatining chorak finalida Fransiya va Marokash terma jamoalari o‘zaro to‘qnash keladi. Fransiya safida “Real” futbolchilari Kylian Mbappe, Aurelien Tchuameni va Ibrahima Konate harakat qilayotgan bo‘lsa, Marokash terma jamoasida ham madridliklar vakili Brahim Diaz maydonga tushadi.
