«Real»dan birorta futbolchi Ispaniya terma jamoasiga chaqirilmagan
Luis de la Fuente 13 ta klubdan jami 26 nafar futbolchini tanlab oldi.
ФОТО: Getty images
Madridning “Real” klubidan biror nafar futbolchi ham 2026 yilgi jahon chempionati uchun Ispaniya terma jamoasining yakuniy ro‘yxatiga kiritilmadi.
Jamoa bosh murabbiyi Luis de la Fuente 13 ta klubdan jami 26 nafar futbolchini tanlab oldi.
“Barselona”dan esa darvozabon Joan Garsiya, himoyachilar Pau Kubarsi va Erik Garsiya, yarim himoyachilar Gavi, Pedri, Dani Olmo hamda hujumchilar Ferran Torres va Lamin Yamal turnirga yo‘l oladi.
Eslatib o‘tamiz, Luis de la Fuente shogirdlari guruh bosqichida Kabo-Verde (15 iyun), Saudiya Arabistoni (21 iyun) va Urugvayga (27 iyun) qarshi bahs olib boradi.
Roziqjon Sultonmurodov
Jurnalist
