«Real» yuristlari Negreyra sudida «Barselona» prezidentini soʻroq qilishdi
Madridning «Real» klubi advokatlari Negreyraning ishida xususiy da’vogarchi sifatida qatnashib, «Barselona» prezidenti Joan Laportani sudda so‘roq qilishdi. Sud 12 dekabr, juma kuni bo‘lib o‘tdi. Bu haqda AS xabar berdi.
Manbaga ko‘ra, «qaymoqranglilar»ning yuristlari Laportadan sobiq texnik hakamlar qo‘mitasi (CTA) vitse-prezidenti Xose Mariya Negreyraga to‘lovlarning 800% ga oshirilish sabablari, Negreyraning o‘g‘lining hakamlar haqidagi hisobotlarni tayyorlashdagi ishtiroki va ushbu hisobotlarning «Barselona» tomonidan e’lon qilinmaganligi haqida so‘ragan.
Shuningdek, «Real» yuristlarini klubning to‘lovlarni soliq organlaridan yashirganligi va ularning dastlabki manbai qiziqtirgan.
Eslatib o‘tamiz, 2023 yilda «Barselona»ga Negreyraga to‘lovlar bo‘yicha poraxo‘rlik ayblovlari qo‘yilgan edi. Ular Ispaniya Qirollik futbol federatsiyasida (RFEF) ishlagan. «Barselona» ayblovga ko‘ra, 2001–2018 yillarda jami taxminan 8,4 mln yevro miqdorida to‘lovlar amalga oshirgan.
Kataloniya klubi versiyasiga ko‘ra, Negreyrani hakamlik bo‘yicha texnik hisobotlarni tayyorlash uchun tashqi maslahatchi sifatida yollashgan. CTA sobiq vitse-prezidenti esa hakamlarga ta’sir o‘tkazish maqsadida uni pora bilan sotib olishganini inkor qilmoqda.
