«Real» Vlahovichga qiziqib qoldi
25 yoshli hujumchining hozirgi transfer bozori bahosi 35 millionni tashkil etmoqda.
ФОТО: Getty images
“Real” klubi “Yuventus” hujumchisi Dushan Vlahovichga qiziqish bildirgan. Bu haqda Fichajes nashri xabar berdi.
Manbaga ko‘ra, "qaymoqranglilar" serbiyalik hujumchini Mbappega o‘rinbosar sifatida ko‘rmoqda.
Zaxira o‘rindiqda fransiyalik futbolchiga munosib o‘rinbosar yo‘qligi sabab, madridliklar Vlahovichga e’tibor qaratmoqda.
Biroq "qirolicha klub" hali futbolchining agentlari bilan bog‘lanmagan. 25 yoshli hujumchining hozirgi transfer bozori bahosi 35 millionni tashkil etmoqda.
Eslatib o‘tamiz, Dushan joriy mavsum "Yuventus" safida 16ta uchrashuvda maydonga tushib, 6ta gol urgan va 2ta golli uzatmani amalga oshirgan.
Roziqjon Sultonmurodov
Jurnalist